Facémosvos chegar a proposta de Grafton School para a mini stay en Torquay (Reino Unido), do 15 ao 21 de febreiro de 2027, dirixida ao alumnado de ESO. A inscrición, os pagamentos e a documentación xestiónanse directamente con Grafton School.
- Datas: do luns 15 ao domingo 21 de febreiro de 2027 (6 noites).
- Voo: directo Santiago – Londres Gatwick.
- Aloxamento: con familias británicas, normalmente 2 ou 3 alumnos por familia.
- Programa: 12 horas de clases de inglés, 4 actividades de tarde e unha excursión de día completo.
Os prezos, o que inclúe o programa, o planning da semana e as condicións están na proposta de Grafton School:
Proposta de Grafton School: mini stay en Torquay 2027 (PDF)
Como facer a inscrición
Estes son os pasos que indica Grafton School:
- Solicitude de inscrición. Cubride o formulario de inscrición de Grafton School. No campo «Asunto», copiade exactamente, en castelán: Viaje de fin de curso de Colegio Tirso de Molina 2027, e escollede a opción «Viajes de fin de curso».
- Alta na Área de Cliente. Despois recibiredes un correo para darvos de alta. Completade todos os datos que se piden como titor ou titora do alumno.
- Pedido e datos do alumno. Grafton School enviaravos o pedido do programa, cun primeiro pagamento do 10 %, e un formulario para completar os datos do alumno. Máis adiante recibiredes a factura dos voos.
- Documentación. Por último, recibiredes os documentos do programa para cubrilos e asinalos en liña.
Formulario de inscrición de Grafton School
Para calquera dúbida sobre a inscrición, escribide a Grafton School, Delegación Galicia, a delegaciongalicia@graftonschool.com, ou chamade ao 636 303 295.